شآبيب المطرصالح بن سعيد الريسيفي ضلوعنا حزنٍ تباريه الأياموالله عليمٍ من سبقنا غيابهتثقل بنا في لحظة الموت .. الأقدامويسرع بنا لوح القدر بالكتابةيا "سيف" لاح البين والدمع قدّامكنّه شآبيب المطر من سحابةرثيت من فقده .. تعلّله الأنسامفاحت بها ريح الصبا في شبابهربي فطر حبك على دين الاسلاموأهديتنا صحبة وأخّوة ورحابهيالله لطفك تكرمه خير إكراميغشاه نورٍ بين قبره وثيابهويا رب تجعل منزله طيب وخزامروضة .. جوار الأنبياء والصحابة____________بس نبكي .. !فيصل بن سعيد العلويTwitter : @faisalalawiصوت ترتيلك يشنّف مسمعي عند الصلاهوالصدى ينثر تلاوة قول رب العالمينلك اثر في كل شبر وشبر بالمسجد، غلاه :.. باقيٍ مهما غيابك دون عودة او حنينلو رحل منك جسدك ووجه هالبسمه خذاهتبقى ذكراك بقلوبٍ شاهدة لك كل زيننفقدك وأصل الألم هالفقد في هذه الحياهبس نجابه هالالم بالصبر .. والله المعينولو بكينا واعتصرنا حزن واعيانا معاهندرك انه "حزن" ما يجدي ولا يمكن يبينبس نبكي .. نستفز الحزن لآخر منتهاهوالحزن ما عاد له من منتهى غير الأنينصبّر الله قلب أمٍ فيك تفجع و آااه .. آااهويرحمك يا رب .. يسكن روحك بجنات عِينوالنهاية تقول يا "سيف" : الوداع ولا سواهما رجعت الا أمانة بحفظ رب العالمين______________مجنون وحزيننبهان الصلتيعـلّ "مجنــون" او مدري لعلّي "حـزين"ابتدي مـن "نهـاياتي" الى .. "مبتداي"ضـايعٍ بين .. لا محتــار ..لا مستـكيناربـط الصبح من طـرفه بطـرّة مسـايكثـرمـا كنت اغنّ الليـل للسـامرينانقضى العمر وآنا انحت من الليل نايكثرما كنت اسولف لك عن الراحلينصرت اسولف رحيلك كل رايح وجايمن يقول القلوب تلين وقت الحنين؟اربع سنين ما لانت قلوب اصدقاي.!!واربع سنين مرّت وانتظرتك تجينيا سحابه تعاف ارضي وتسكن سمايجيتك من الحنين ادعي ورافع يدينلا سكبتي من احسانك ولا من دعايامطـري .. ما يبـلّ الـريق والـراحتينكيف انا احضن الغيمه ومحتاج ماي.!!قلبتني على جمـر الحيـاه السـنينكنّ هـ الضيق ما حصل مراسي سوايجيتك .. وكـان قلبك قبله لكـل ديـنوكمّ مّرّه اخون الصبر وارمي عصايوادري انه عصاك البين لو ما تبينوادري إنّه معك بعضك وبعضك معايامنحيني من اللاوقت لو لحظتينعلّها تجبر احساسي وتحسن عزايكثرما كنت اغنّ الليل للسـامرينانقضى العمر وآنا انحت من الليل ناي-------------------------اقطع رْكون التجافيعبيد بن خصيف الكعبيلو سجني البعد عنك ذكرياتك لي كتابكل ما اشتاقك لقيت امبين دفاته هروبيا من عْيونك دوا عن الانزوا والاكتئابلا حجامه لا مياسم لا طبيب ولا حبوبلو يسل الوقت سيفه صارت عيونك قرابللحراب اللي برمشك جيت هارب م الحروب !!لو هو مطالب حقوق وتنطلب عند الصعابخذت حقي ..غير حقي من جنابك ما يثوبيا زمان الوصل واطلال الطفولة والعتابقلب صوب وعقل صوب وباقي الاعضاء صوببعض الاحرف في دفاتر الانجليزي والحسابذكريات تضخ دم السعد في الوجه الشحوبيا الوصال اعصر سحابك لا يبدّدْك الغيابواقطع رْكون التجافي ..للقا وخذها طنوبعقرب الساعة برصغي يرتمي مثل المصابوالثواني طفلةٍ مابين دوب وبين دوبجيت اسال الفشْت عنك قبل ما اسال الهضابلانْ احيدك في المغاص اوثق من حبال السيوبكثر ما أعشق ترابك صرت خايف ع الترابلا يذرّه غربي الذعذاعَ لو شرت الهبوبكثر ما خايف تذوب بشمس خديك.. (العِذاب)ودي احرق راحتيني ع الشفق لي في الغروبوين اطالع شفت وجهك فـ الذهاب وفـ الايابوانت شرق وانت غرب وفي شمالك والجنوبليت لو يندي صباحك ليت لو تنزل ضبابلاجل ما تسقي ورودك لي على طرف الدروبكنت تشّر لين بانت وردتين ٍ فـ الخضاباعلقت في كفك وحامت على ورودك قلوبقلب ذاب وملح ذاب وشمع ذاب وثلج ذابلا تلوم عبيد يوم انه من الفرقى يذوب--------------------أحمد المقباليما ضاق صـدري ولا ضاقت بي الآمالبالي وسيـع وطمــوحي قدّ هقواته !أحـارب الشكّ وأسري والعلوم جزالوآخذ من المجـد ناموسه وراياته !نيّاتي البيض ، زادي والدروب طوالياحظّ من زاد عمره ، بيض نيّااته !غني ، قناعة و لو عندي ثلاث ريااالما ضاع سمتي ، و لاضاعت قناعاته !أخاوي الذرب ، وقت الحلّ و الترحالأما الرّدي ما تشرّفني ،،، مخاواتهمن كثر ما صار صبري مضرب الأمثالالكلّ ، يرمي على جرحي انكساراته !يا مسهل الجرح، وأسهل خيبة الآمالوأصعب من الجرح للجارح مداواته !لو يصنع الجرح، شاعر هاجسه همّـالخايف مع الوقت جرحه يجرح أبياته !سنين مرّت وأنا عايش على الأطلالحاضر غيابه وقلبي غاب عن ذاته !حبيبي اللي ، تركني بين ، قيل و قاالليته ترك نور، وجهه وإبتساماته !يأكلني الشـــوق حتّى يبـــرد الفنجالوالمشكله ما برد ، قلبي و معاناتهمملي حكي كيف أبوحه و أكسر الأقفالوأقسى من البوح شاعر يعتق سكاتهالحب يخـــلق من الضيقة رحابة بالوأجمل من الحب بعدك عن نهاياته !