ماتسهل الصعبة من الصعب لـ لين
إلا لطموح اللي تعدّا طموحه
أجاهد الفرصة مجاهد فلسطين
حتى لو العالم تلوّن وضوحه
تكالبوا ضده عيال الشياطين
ولازال شامخ ما شكى من جروحه
الضعف اصلاً ما يوصي بها الدين
والحب خيله ما توقّف جموحه
امارس الزهد بـ إرادة و تمكين
و لطلّتك حسيت نفسي لحوحه
على الأقل ابادر بشوفتك لين
اروي ضمى قلباً تهدّم صروحه
أكيد مخلوقه من «الماء والطين»!؟
ولا تشكّلتي من إدهاش لوحه!؟
ان كان متّي يا مليحة من العين
البحر قبلك موّتته الملوحه
وش رايك اني عفت كل البساتين
معك معك في كل جيه وروحه
ان جيت ما خالفت شرع وقوانين
و ان رحت ما قدّمت»توبه نصوحه
غازي الحمر
شاعر عماني
