سلْهمت بعيونها قبل الكلام وإحتبس دمي بقلبي وإرتعّد قربت مني وأبدت بالسلام وأسألتني وش علامك ما ترد!! ما درت عن عينها ترمي السِهام ناعسة والرمش يسوا له بلد قلت.. مـ ادري يا تباشير الغمام يمكن اني ما سمعتك عن بِعد قالت.. أدري وإبتدأ منها ابتسام يشفي عين الي يعاني من رمد ومن تبادت بالحكي تحت اللثام شع لي نواراً يخالطه السعد وقتها مني بدا سيل الغرام يسكب ودمي من الموقف جمد حكيها خدّر نخاعات العظام تسمعه أنغام وتسيغه شهد قالت .. إسمح لي ابحكي يا غلام قلت .. ابسمح لو بتحكي للأبد قالت .. إني بنت من ناس حشام ودي تعرف شي واحد يا سعد قلت .. انا شافي و ردت بـ احترام آسفه والله ولك حقك وعد واصمتت لحظه وقالت مر عام من توفى لي احبه وإبتعد قلت .. الله يرحمه رب الأنام يا عسى قبره يثلجه البرد قالت .. انت تشبه نفس القوام نفس لونه ونفس نظراته بعد انت و الله لي اشوفه بالمنام نسخته لو كان في بطن اللحد ودي لو تعرف عن ايام الظلام لي تقضت لي بدونه في نكد قلت .. تكفي قالت .. بشوفك دوام للحكي والسعد وأيام الرغد لا تقاطعني ترا والله حرام ما عـ بالي انظره روح وجسد قلت .. إحكي انخنق فيني الكلام وإنسي اني شافي وإدعيني سعد
شافي الحاتمي
شاعر عماني
