عدّاك خطّاف شعــري، في قوافــــل غـــــرام
شالوك عنوه ، لو ان القلــب ذا مــــا يـبــــي
اكتبك وامسح ، واقول ان بحـت سري حـرام
واحيان اخذ فتـــاوي العشــق مـن مذهــبــي
في بعض الاسرار صوتٍ ، مثل نوح الحمــــام
ودي قطى الدوح لا يسكت ، و لا يختبـــــــي
وانا خذيتـــك،، وخبيّتــك فـ بئـــــر الكــــلام
وما شفت لي دم ذيــب، وخذت دم الظبـــــي
لا ما اشبّهك في يوســــف عليـــه الســــــلام
لكــــن حسنــك وراثــه مــن سلالــــة نبــــي
خلّك فقلبي ، وخليــنـي اعيشـــــك هيـــــام
وان جتـــك سيـــارة الاشعـــــار ،، لا تركــبـي
السر حافظــه، حتـــى لو فضحــه المنـــــام
الكوكــب اللي تشوفينه ما هـو كوكبـــــــي
لي فـي غرامك مواثيــق وصكـــوك التــــزام
ولك فـــي خفــوقــي مراجيـحٍ بهــا تلعبــــي
تقطف يديــــن المشاعــر منـك تــوتٍ و زام
والشوق فايض على وصلك فيــاض الجبـــي
اسقيــك من عذبــي النابض وفا واهتمــــام
وعـــدٍ…. ألبـّـي لوصلك كــل ما تطلبــــي
خلك ف قلبــي بعيــده عن عيـــون المـــلام
يتكـــي شعــوري بعــودك يا مــراح تعبـــــي
وان مرّ خطّــاف شعـــري ياخـــذك للأنـــام
اتغــاوري عن عيـون القافلــه ،،، و اختـــبي!!
راشد الشعبني
شاعر عماني
