قال لي الحمدلله على السلامة
والعيون الناعسة تكحي حنينه
مـا درى ان السـلامه في سـلامه
وفي سؤال الحال من نظرات عينه
حدثتني قبل لا يبـدي كلامه
وبيّنت لي اغلى ما يخفي كنينه
ما قراها غير ذو عقل وفهامه
واحدٍ إحساسه اكبر من سنينه
ياعساني افدى قلبه و اهتمامه
وعطفه الماطر على صحرا ضنينه
من عرفته والسعادة في نظامه
ما تلاشت لو بدت ريحه حزينه
كنّ ما مرت على روحه ملامه
وكنها الفرحة وسط راحة يدينه
لو سألني ويش هو طب الندامه
قلت منطوقه قبل ضحكة جبينه
والله انه في نغم صوته سلامة
وفي حضوره يغمر الدنيا سكينه
جعل وجهه ما يفارق إلابتسامة
يا بو وجهاً تشرق بنوره مدينة
شافي الحاتمي
شاعر عماني
