اختصرها.. وهاتها من الآخر
بعضها علومك مثل كل مرّه
وش بها ؟.. يا كثر ما تتفاخر
والخبر ما يوم قلبي سرّه
والله إني صرت ما لي خاطر
في سماع بمن تركني فتره
لو مثل حبّ الخرز تتناثر
ما عَليّ من ناكرٍ للعشره
أعرف إني في مجالك خاسر
دام اسلوبك ملي بالفشره
دفتر التقريب يبغى شاطر
واللبيب يجيبها من نظره
كم مرّه لضيقتي تتآاامر
كف خبرك وأكفني من شرّه
لا انته الأول.. ولا انته الآخر
لي غزوا قلبي وقاموا بأسره
سعيد الرحبي
شاعر عماني
