حــط العيون اللي ابصرت في سماحك
تقــرأ الغــرام اللـــي طواريـــه مفنـــــود
مــا قاصــر المشتــــاق سنّـــة رماحـــك
تكفي السنين اللي اعصبت عينه السود
وتعثـــــر بدربٍ بهـــا الحــــظّ ضاحـــك
واستكثـــر الحاســـد يخليـــه محســود
ياليتنـــي المخطـــي وبقبـــل مزاحــــك
وبكذب على نفسي لـــو الدرب مسدود
شوف الغياب اشتلّ بـــك يوم طاحــك؟
واغتــرّ مـــن ملفاك وانتــه لــه سنـــود!
ارجـع قبل م الشمس تلبـــس صباحــك
وارجـع قبــل غمـــزات ليلٍ بـــه رعـــود
واِكبر ف عيـن الشوق وانثـــر ملاحـك
لا أطـــوّل الغيبــات فاقــد ومفقـــود ..
واغنـــم وفاء احــســاس لفّـــة جناحـك
وأنفاس من عزف اللقـــاء كلّـــها ردود
واِكبر عن مخاصــم ورد دوم فاحـــك
ما ف الزعــل من خير يا خيــر منشود
سلّم على اللي فات منيــة صلاحــك
واقرا علـــى طيــر الغريميــن تغرود
باكر يطيح السيل راكــض وساحــك
وتمــوت فيــه الريـــح والحب مولـــود
مــن قبـل ما حلــم المواليــف لاحــك
تضحك أماني الروح والوقت به زود
ما به عتــب بالكون غيــر استراحـــك
سايـق عليـــك عيون يا عـين مقصــود
متجمـــلٍ فيــك الرضـــا لــو جراحــك
تغرس ف عــين بعاد ومـا بها حدود
رحاب السعدية
شاعرة عمانية
