شفت في عينك بدايات الشروق
والكلام اللـي ف قلبك أسمــعه
قوم سبّح بين نبضي والعروق
ف الذكـر قلبـي لقلبك يتبعـه
لو تعدى الشوق طاقات اِمْعشوق
روف بـه الغالي بطيبك شبّـعه
وطير به احساس للعلياء فوق
صاحبك احلى الوصايف تجمعه
صاحبك ما مل عينك ف البروق
بسمتــك دايــم يحليـهـا مـعـه
بين ألحان الحكـي رقــه وذوق
تنقضـي بيـن الحنايا معـمعــه
سلهمت بيض النوايا يا خلـوق
يا جهاتي ويا فصولي الأربـعـه
ويا شقاتي كل ما غنـّاك شـوق
حدّها ظروفـك ترا الدنيا سعـه
رحاب السعدية
شاعرة عمانية
